Běrow ma nowej sobudźěłarce. Po tym, zo je so Franciska Grajcarekowa w oktobru 2025 do maćerneho dowola podała, ma běrow za čas jeje swójbnych winowatosćow nowej sobudźěłarce. Tutej dźělitej sej dźěłowe městno Franciski. Wot 1. oktobra 2025 dźěła dr. Sara Mičkec (pochadźaca z Worklec), nětko w Južnym Tirolu doma, za běrow a wot 1. nowembra 2025 podpěruje Borbora Zyndźic (pochadźaca ze Smochćic), nětko w Lipsku, dźěło serwisoweho běrowa. Wobě stej studowałoj pak slawistiku pak sorabistiku a matej tuž najlěpše wuměnjenja, přełožowanski serwis za komuny serbskeho sydlenskeho ruma zawěsćić. Wonej dźěłatej za běrow online a tydźeńsce sej dorěčimy dźěłowe wobłuki a ćežišća nadawkow. Jan Kral je dale w běrowje we Wojerecach prezentny a je najbliši kontaktny partner za komuny w serbskim sydlenskim rumje. Dźěło běrowa je tak dale na dobrym a fachowje derje zawěsćenym niwowje zaručene. Lětsa chcemy komunam wosebje nastupajo jich web-strony pomhać a tam, tak daloko kaž móžno, dwurěčnosć zawěsćić. Wotpowědnu pomoc smy komunam hižo signalizowali.

K 5.razej a k 1. razej scyła w Zhorjelskim wokrjesu wotmě so fachowa konferenca wyšich měšćanostow, měsćanostow, wjesnjnostkow a wjesnjnanostwo komunow serbskeho sydlenskeho ruma. Na žurli Serbskeho kulturneho centruma w Slepom witaše społnomócnjena za serbske naležnosće Zhorjelskeho wokrjesa, Kati Strukowa, nahladnu ličbu komunalnych politikarjow. Powitanske słowa měješe krajny rada Zhorjelskeho wokrjesa, dr. Stephan Meyer. Wón zwurazni swoju spokojnosć nad dobrym rozsudom demokratiskich mocow Zhorjelskeho wokrjesneho sejmika, kotrež běchu za to hłosowali, zo wostanje městno społnomócnjeneje za serbske naležnosće dale hłownohamtske a so tak přećiwo planam AfD přesadźili, městno na čestnohamtske redukować. Nimo toho zwurazni Meyer sylnu nadźiju, zo so wosebje w komunach Zhorjelskeho wokrjesa zaso rěčne rumy za serbsku rěč zarjaduja a dwurěčnosć w serbskim sydlenskim rumhe hišće wuraznišo w zjawnym žiwjenju skutkuje. Fachowa konferenca móhła k tomu impulsy a nastorki dać, štož so w dalšim wotběhu konferency tež jasnje pokaza. W dwěmaj přednoškomaj předstajichu so móžnosće, serbsku rěča kulturu do turizma runje tak zapřijeć kaž do čestnohamtskeho angažementa mnohich wobydlerjow serbskeho sydlenskeho ruma. Pětr Brězan, předsyda towarstwa Serbski kulturny turizm z.t.,  předstaji nowu kolesowarsku šćežku "Serbske impresije", kotraž přeprošuje, na mnohich markantnych městnach Łužicy so kolesuju zetkać ze serbskej rěču, kulturu a wuměłstwom. Z rěču,kulturu a wuměłstwom zaběraše so tež přichodny přinošk Sonje Hrjehorjoweje a Jadwigi Bryckec. Wonej předstajištej móžnosće, wutworić syć, kotraž spleće mjenowane wobłuki z čestnohamtskim dźěłom a tak rěčne rumy skrući a wutworja.

Dr. Jens Baumann, wotrjadnik w Sakskim ministerstwje za nutřkowne a tam tež zamołwity za naležnosće Serbow předstaji wospjetnje móžnosće spěchowanja dwurěčnosće w gmejnach serbskeho sydlenskeho ruma. Nažel wšitke gmejny pawšalu we wysokosći 5 000 eurow lětnje njewotwołaja a tak tute pjenjezy lětsa nažel spadnu a druhe, zajimowane gmejny, je njemóža za swoje zaměry zasadźić. my běchmy lětsa z hosćom wuradźowanja a njemějachmy zadyn konkretny nadawk. wužichmoj pak składnosć, so z komunlanymi poltikarjemi rozmołwjeć a tak spytać jich problemy spóznać a jich zajimy za dalše ideje wubudźić. Fachowa konferenca bě zaso wuspěšne, nic naposled dla sylneho wobdźělenja mnohich wjesnjnostow a dewju wjesnjanostkow, teje z Radworja a teje z gmejny Halštrowska hola. Dźak wšitkim!!

Dźens bě Kati Strukowa, społnomócnjena za serbske naležnosće wokrjesa Zhorjelca, na wopyće w serwisowym běrowje.
Wuradźowachmy wo aktualnych temach a přihotowachmy fachowe schadźowanje ze zastupjerjemi komunow.
Dźakujemoj so jej za konstruktiwne zhromadne dźěło!

Heute war Kati Struck, die Beauftragte für sorbische Angelegenheiten des Landkreises Görlitz, zu Besuch im Servicebüro in Hoyerswerda.
Ein Austausch zu aktuellen Themen und die Fachtagung der kommunalen Vertreter der beiden Landkreise Görlitz und Bautzen stand auf dem Tagesplan.
Vielen Dank für die konstruktive Zusammenarbeit!

Dźensa, 26.awgusta před pjeć lětami je so naš běrow oficialnje přepodał swojemu zaměrej. W tutych pjeć lětach je so běrow wukmanił na woprawdźitu serwisowu instituciju. Spočatnje hišće z distancu, pozdźišo pak z wotewrjenym wašnjom su so komuny, z gmejnow a městow na nas wobroćili. Smy dóstali nadawki k přełožowanju, smy gmejny poradźowali k popisanju dróhow a zjawnych twarjenjow a smy jim pomhali, zeserbšćić pak dźěl, pak cyłu internetowu stronu. Smy w tutych pjeć lětach wobdźěłali přez 1200 nadawkow najwšelakorišich dimenzijow. Su to byli drje přewažnje přełožki, ale tež korektury hižo wobstejacych dokumentow ze zarjadniskeho wšědneho dnja. Nažel njeje so zajim za simultanej techniku ze stron gmejnow tak pokazał, kaž smy to wočakowali a sej přeli. Naš poskitk steji dale: techniku móža gmejny rady sej wupožćić, ale tołmačerku abo tołamčerja nimamy.

Tak přejemy sej do pořichoda dale dobre zhromadne dźěło z gmejnami a smy zwólniwi, dalše, tež wobšěrne a wužadace, nadawki spjelnić.

Přeprošujemy na tutym městnje wšitke gmejny serbskeho sydlenskeho ruma na naše fachowe zetkanje, dnja 6.septembra 2024 w Slepom (SKC) wot 10.00 hodź.

Tak přejemy sej do přichoda